بطلوا دة واسمعودا...يبات مظلوم يصبح ظالم وعجبييييييييييييييييييييييي
Subscribe to:
Post Comments (Atom)
معا من اجل شباب اكثر وعيا
بحبك يا حياتى
ابتسم للحياة تبتسم لك ..
جمعية أفق للتنمية
الفرد هو القاعدة الاساسية للتنمية
يا ترى بكرة شايللى ايه؟
ها...مين هناااك
14 comments:
لا يلام العدو لعداوته
نلام نحن لضعفنا
فلسطينية الهوى:
اه والله عند حق ...اللى يلاقى قفا ومايضربش يبقى عبيط...
لا نلام نحن لضعفنا بل النصر قريب من عند الله سبحانةو تعالى و هو قادر على كل شى. thnx for the favourite add jessy
moe:
اكيد النصر من عند الله ولكنه لن يؤتيه لأمه تكتفى بالبكاء والدعاء ولن ينصر امة كسولة عاصية لا تعمل على امه تعمل وتبنى نفسها...نعم نحن المسلمون ولكنهم من طبق الاسلام حقا...وبما انهم فى النار اذا فحقهم فى الدنيا ان يؤجروا على اجتهادهم ..عندما نعود مسلمين امس مثلما كنا ايام ابن الهيثم و ابن خلدون يأتينا النصر ان شاء الله
طبعا...... الناس دى عارفين هما بيعملوا ايه وللاسف نحن اسود يحكمنا خراف!! و ياليتنا كنا خراف ويحكمنا اسد واحد
وانا شايف ان الامة دى عشان تنهض -واى امة تانية -فان السبيل هو التعليم القوى الموجه- بكل مجالاته واولها ان نتعلم ونفهم ديننا بشكل سليم- عشان نطلع اجيال واعيه ليها اهداف
وطموحات واحلام اكبر من كيفيةالحصول على رغيف الخبز من طابور العيش
والله نفسى تسمعوا خطاب النصر للرئيس الشهيد انور السادات -الله يرحمه ويسكنه فسيح جناته - وخطابه فى الكنيسيت و تلاحظوا القوة والعزة وبعد النظر وخللى بالك من بعد النظر دى -اللى بيتكلم بيها- فينها دلوقتى- والوعى والادراك والفهم لطبيعة الناس دى
و ازاى كان بيكلمهم باسلوبهم ... الراجل دا دماغه عاليه جدااا وعشان كدة محدش بيفهموا كتير!! ومن الاخر الخطابين يدرسوا ومحتاجين تركيز فى كل كلمة وايه معناها وليه قالها كدا وايه قصدوا وازاى اليهود هيفسروها وووووووو !!! بس للى بيفهمواو بس
http://www.anwarelsadat.com/sound/2.wma
http://www.anwarelsadat.com/sound/index.htm
وطبعا الموقع عليه كل التسجيلات المهمة للى عاوز
يتعلم وخصوصا الصحفيين !!ه
Muhammad Abouhashm.
المهندس محمد:
كلامك موظبوط اوى وعلى فكرة احنا مش خراف بيحكمها اسود لأ احنا اسود اتحولت لفران ...تخيل انت اسد بيخاف من قطة يبقى شكله ايه لأ ويبقى حال القطة معاه ايه اكيد هتستقوي عليه وتظيط...بس انا شايفة كمان ان تواكل الشعوب العربية وتقاعصها عن العمل (العرب بيصرفوا فلوسهم على المكياج والباقى للاجانب يشتغلولهم ) والمصري مش وراه غير يشتم فى الحكومة ويقولك بلد .......(مش نظيفة يعنى) وهو مش هاين عليه يرمى المنديل فى صندوق القمامة.....ربنا يفوقنا من غفلتنا ونرجع بنى ادمييييين
اميييييييين يارب
والله دى دعوة جميلة جدا وانا بحبها وبادعوا بيها من قبلك كمان.....ه
بس ليا ملاحظة فى كلامك ...انا قلت احنا اسود-يعنى الشعوب- تحكمنا خراف-يعنى الحكام- ومش العكس ..بس
اوعى حد يقولهم كدة لحسن ينطحونى!و
انا معاكى هندريد بيرسنت - فى التواكل والتقاعس بس ......المصري اللى بتقولى عليه مش عاوز يرهى المنديل فى ... ايه؟ اه صندوق القمامة
ومتهيالى تقصدى الزبالة.. فانا احب او اكره انى اقولك يا جيس انى شوفت بعينى ناس بتدور فى صناديق القمامة دى على حاجة تاكلها
ولا حول ولا قوة الا بالله
وحسبهم وحسبنا الله ونعم الوكيل
يعنى الناس دى مسئولة من مييييييين؟
ومين خلاهم اقل من البنى ادميييييين؟
بس ما قلتيش ليه رايك فى الساداااات
والخطابات ...استنى انا عندى اقتراح تعملى موضوع
عنه ...ولا بلاش لحسن ياخدوكى امن دولة ويحطوكى فى التخشيبة و لما تحسى بجمال المكان هناك هتفتكرينى كويس وتدعى عليااا وانا موش ناقص!!ه
salam
Muhammad Abouhashm.
المهندس محمد:
اولا احنا مشكلتنا اننا بنعيش دور الضحية يعنى ربنا مبيظلمش حد (من اعمالكم يسلط عليكم) بلاش يا سيدى القمامة او الزبالة روح شوف يوم الانتخابات وقارن الاقبال فيه بيوم ماتش الاهلى والزمالك ....اما بقى عن السادات فالبتأكيد فى ناس اختلفت عليه بس انا بحترمه لأنه عمللنا كرامة حتى ثورة الجياع اللى بيأخذوها عليه بعدها رجعسعر العيش تانى يعنى اخمدها بفعل مش بالافى ...وكفاية كدة لحسن شكلك هتودينى فى داهية مالها مصر دلوقتى مهى فل اللول اهى يا سلام نظافة ايه وعلم ايه واسعار ايه ترااب والله احنا شعب مفترى طب دا حتى احنا مش عارفين نودى فلوسنا فييييين !!!هههه
تقصدى ايه يا جيس ب - احنا بنعيش دور الضحية-؟
Muhammad Abouhashm.
اقصد حجة البليد مسح الصبورة يعنى اصلى عاطل عشان الحكومة مش بتوفرلي شغل...اصلى فاشل عشان تعليم الحكومة سئ اصلى صايع وجاهل عشان البلد دى بنت....لأ دى مش حجة اللى عايز ينجح بينجح واللى عايز يشتغل ويبنى بيشتغل احنا اللى شعب كسلان وبيسهبل وعشان كدا ربنا مبتلينا بما نحن فيه الان بمعنى ربنا مبيظلمش حد لتانى مرة (من اعمالكم يسلط عليكم)
اه انا فهمتك.....و لكن ليه بتتكلمى بس على
الفاشل والصايع والعاطل انتى ما بتشوفيش غيرهم؟ .....امال وديتى الناس المحترمة فين؟
شوفى .....فى ناس زى ما بتقولى ولكن فيه ناس ناجحة بشرف وبتشتغل بجد وبتحب البلد دى ...للاسف بتتحارب فى نجاحها وممكن يتسرق منهم كمان.هه
وانا مش عايز ادخل فى جدال مفيش منه فايدة على ان المشكلة فى الشعب ولا فى الحاكم
وللمرة المليون طبعا ربنا مابيظلمش حد ......ولكن الناس بيظلموا بعض مش كدة ولاايه؟
’Muhammad Abouhashm.
المهندس محمد:
ايوة الناس بتظلم بعض مهو دة اللى انا اقصده ان احنا اللى بنظلم بعض يعنى لو احنا شعب مثالى مين اللى ممكن يكون السبب يعنى اما بقى عن الناس المحترمة فطبعااااااا فى ناس محترمة ولكن انا كنت بتكلم على السئ بمناسبة الحديث عن الفساد وكدة لكن طبعا فى ناس محترمة ويمكن تستغرب لما تعرف انى شايفة انهم فى تزايد وان الاصلاح قريب ان شاء الله بعكس نظرة التشاؤم اللى عند ناس كتييييييييييير
ايوه كده برافوا عليكى.......والامل والايمان دايما موجودين
{الخير فيا وفى امتى الى يوم الدين}
بس لازم تعرفى ان مفيش اصلا حاجة اسمها شعب مثالى او حتى انسان مثالى اوكيه... وانا افتكرت حديث للرسول صلى الله عليه وسلم يلخص الوضع اللى احنا فيه وكل لما اقراه اقول هذا ما وعدنا الله ورسوله وصدق الله ورسوله..............ه
قال رسول الله صلي الله عليه وسلم
يأتي زمان علي أمتي يحبون خمس وينسون خمس ...ه
يحبون الدنيا وينسون الاخرة يحبون المال وينسون الحساب يحبون المخلوق وينسون الخالق يحبون القصور وينسون القبور يحبون المعصية وينسون التوبة فإن كان الامر كذلك أبتلاهم الله بالغلاء والوباء والموت الفجأة وجور الحكام
صدق رسول الله صلى الله عليه وسلم
’Muhammad Abouhashm.
المهندس محمد:
صلى الله عليه وسلم ...انا متفقة معاك كل الاتفاق عشان كدا مش هقول حاجة برضه التناقش بيكمل الاراء ببعض مش كدة ولا ايه (وجعلكم شعوب وقبائل لتعارفوا) ههههه
Post a Comment