ايه رأيك فى المشاكل؟ عادى كل الناس عندها مشاكل....
طيب ايه رأيك فى الحل؟ عادى كل مشكلة ولها حلال....
طيب لما تكون المشكلة دى خاصة بنفسيتك؟....عادى الفضفضة هى الحل
طيب واما ميكنش عندك حد تفضفضلة تعمل ايه؟؟؟؟؟؟
فاكرين فادى خفاجة الطفل اللى كان فى فارس بلا جواد كان دايما يقول ايه(مفيش مشكلة عشان المشكلة حلها مش مشكلة يبقى ايه المشكلة مفيش مشكل....) مش كان بيقول كدا برضه اينعم اللى كان بيقول طفل لكن اللى كتب الكلام دة مش طفل وانا اؤيده وبشدة لانى اكتشفت ان المشكلة مش فى المشكلة فى حد ذاتها لكن فى حلها اذا كان صعب ولا سهل ...انا اؤمن تماما ان الحياة لازم يبقى فيها مشاكل والا هننتحر لكن اعتبرونى بهبهب... بفضفضضضضضضض لانى حقيقى معنديش اللى افضفضله وهى دى المشكلة عندى اصحاب بمعدل 2 لكل مليون نسمة عندى عائلة ولكن... برضه معنديش اللى افضفضله مش عارفة العيب فيا انا انى كتومة فى مشاعرى -مشاعري بس انا رويتر اصلا وميتبلش في بقى فولة بس عند المهم اللى هو المشاعرالكتمان كله حاجة تفقع!!- مش عارفة بقى هى دى المشكلة ولا المشكلة انى مقبلتش لحد دلوقتى اللى يعرف يحتوينى ويطلع الكلمة من بقى انا اينعم كتومة بس اللى يعرف يفتحنى مش هيعرف يقفلنى .. حنفية بعيد عنك .... الحمد لله الذى عافانا مما ابتلى به غيرنا والله عارفة وبقول كدا بس المشاعر المؤرفة دى طرشة مبتسمعش ...اقول انا فى نعمة ...غيري فى وضع انا مقدرش استحمل حتى اسمعه برضه مفيش فايدة بلاقى الدموع بتقوللى سيبينى بقى حرام على اللى خلفوكى
بس حقيقى اللى عايز يحس بيا يتخيل نفسه فى جزيرة لوحده لا لاقى اللى يكلمه ولا اللى يساعده ولا اى حاجة انا تقريبا كدا بس قلبى بس انا الحمد لله لدى معارف واصدقاء جمال جدا ونعم الاصدقاء والله افضل بنى ادمين موجودين على وجه البسيطة بس عند المشاعر وحدى على جزيرة الاحزان ....اه بمناسبة الاصدقاء ترقبوا تدوينة عن صديقاتى العزيزات
عقبال ما الاقى لقلبى صديق
معلومة*: انا انسانة متفائلة جداااااااااا ازاى معرفش مع انى طالع عين اهلى بس برضه شعارى الحياة حلوة ..هيهئ نكتة دى .....
4 comments:
الى بيخلى الواحد يحكى لحد او لا يفضض معاه اقصد بيتهيالى مش شعان بس بيثق فيه
انما عشان التانى بيعرف يسمع
انا لى اصحاب كتير بحبهم اوى بس مش بفضض معاهم بحس انهم مش بعرفوا يسمعوا
وممكن حبهم اقل فى قلبى بس بيعرفوا بيسمعونى
الحل دورى على حد بيعرف يسمع
وسيبك من حكايه انك فى جزيره والكلام ده اصل الواحد فعلا لما بيقول لنفسه كده بيقتنع وبيصدق لدرجه انه ممكن يقول كده كتير يقوم يلاقى نفسه ماسك سمكه-مش جزيره بقى - ههههههههههههههه
بطوط حبوب:
انت عندك حق فى جزئية الصديق اللى بيعرف يسمع لكن اللى انا بقصده انى انا نفسي عندى حاجز نفسي بينى وبين انى ابوح لحد باحساس او مشكلة نفسية لسبب بسيط جدا هو اللى انت بتقوله انى زمان كان ليا صديقة كدة زائد ان عندى بعض الخبرات السلبية فى الموضوع دة وبالتالى لسانى بيتقل اوى لما اجى اقول لحد مشكلتى
ربنا يرزقك بمن يفهمك ويسع قلبه لك
كلنا بنمر بهذا فى بعض الاوقات
فضفضى واحنا معاكى ان شاء الله
تحياتى
الطائر الحزين
اشكرك على مشاركتك الوجدانية...ياهه هو انا صعبت عليك للدرجادى ...اخس دانا فضيحة ...المصيبة انى لما بكون مضايقة بصرخ باعلى صوت بعدها بفترة قصيرة بروق واصفى ولاااا كأن فى حاجة هههههههه
Post a Comment