قلمك..مش مجرد قلم!!!
البوست دة اعتبروه بداية لحملة قررت اشنها ضد الاقلام المسممة التى اشبهها تماما بالمأكولات الفاسدة التى تبيعها بعض او اغلب مطاعم التيك اواى مش مهم اللحمة دى طازة ولا لأ ..اهو كله يتاكل ومعدة المصرى تهضم الزلط..الا ان المبدا دة هين بعض الشئ بجانب ما انا بصدد الحديث عنه اذا اكلت اكلة مسممة فاهو غسيل معدة ونخلص لكن اللى انا شايفاه قدام عينيا فى مجالى ومن زمايلى مخاطرة اكبر من كدة بكتير ...عرفتوا انا بتكلم عن مين ..الصحافة حلمى الاول ال ايه قلت يمكن لما يبقى معايا قلم يبقى سلاح احارب بيه الفساد والذى منه البؤين اللى هيقولهوملك اي واحد جديد(فى الكار) صدقونى انا مش بكتب كلامى دة من فوق هضبة انا فعلا نزلتو اشتغلت فى اكثر من مكان ..واذكر ان اول مكان رحت اشتغل فيه كنت بقول لزميلتى اكيد احنا هنبقى اقل مستوى فيهم احنا لسه بادئين وقدامنا كتييييييييير بس هى ردت عليا رد ..اكتشفت صحته بعد كدة قالتلى مش حاسة كدة هما خريجين ايه؟؟؟؟ وهنا الف (شابوه) تعبيرا عن احترامى لزمائلى وزميلاتى المشتغلين بالصحافة بدون مؤهل جامعى لها(مثل كلية الاعلام مثلا) اكيد هى موهبة واكيد الكلية مش الفيصل بس برضه اكيد انا فى اعلام مش بدرس الاربع سنين ازاى اكتب خبر ولا تحقيق..زى ماهو اكيد انى برضه مش بدرس فزياء نعم ادرس اهمية الاعلام..فنونه..استراتيجياته ونظرياته ودة كلام ممكن اى حد يقرأه بس للاسف مش دايما او تقريبا مش بيحصل اصلا..ان صحفى مش خريج اعلام يعمل كدة..ودى فى حد ذاتها كارثة لان الكلام دة حقيقى مهم ...اللى انا شفته وعاصرته بين بعض زملائي يخلينى ابكى على اللى اتعلمته..حقيقى اول كلمة اتقالتلى فى الشغل(انسي كل اللى اتعلمتيه)وبكل بجاحة يعنى من الاخر دة سوق مش مجال اعلام وسلطة رابعة وقادة فكر والكلام دة ممكن فعلا يكون دة اللى احنا كصحفيين مقتنعين به وفاهينه ..لكن مين نبه القارئ..بين قاله انسي بقى واياك وحذارى تصدقنا يا عم دة ضحك على الدقون.....مين قال للمواطن.. للشاب.. للشابة مش كل اللى احنا نمجدهولك مهم...نعم احنا بنعمل من الراقصة نجمة والحبّيب عظيم المجرم فهلوى وكله عشان ..لقمة العيش كلمة من هنا على بؤ من هناك موضوع ..خلص..سلم ..اقبض..ويتحرق ابو القارئ على ام البلد على دمغة الجابوهم ...وفى النهاية اود ان اقول...ان كل ذى قلم سيسأل عما كتبه..لان من الاخر قلمك دة مش مجرد قلم...(ان الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق) صدق الله العظيم
والبقية تأتى ان شاء الله..واللى يحب يشاركنى الحملة ياريت ايترك تعليقه
10 comments:
السلام عليكم
يسسسسسسسسسس يا جاسمين
معاكي طبعا
وده اللي كنت بنادي بيه واللي اقصده من الموضوع ده
http://mesh2dra.blogspot.com/2007/06/blog-post_09.html
الموضوع كبير اوى يا جاسمين
المشكلة ان فيه حاجات كتير اوى غلط
وان مش كله له نفس المبادىء والقيم
وكمان المشكلة في التعريفات للقيم السلوكية والثقافة - نظريات اعلام ابتدت تطلع :D-
يعنى مثلا اختلاف مفهوم الحرية
ناس شايفة ان الحرية سبهللة واعمل اللي انت عاوزة واكتب اى حاجة مش مهم مين يقرأ مش مهم مين حيتأثر مش مهم أى حاجة المهم انك تكتب و" تبعبر" عن نفسك
رافعين شعار لا حياء في الدين لا حياء في العلم لا حياء في الصحافة
حاجة على جمب
معنى ان فيه ناس كتير صحفيين مش من اعلام
ومعنى الناس اللي بقول انسي كل اللي اتعلمتيه " ببجاحة " ده مش معناه انى اندم على الاربع سنين اللى قضتهم بالكلية
ليه بقى
ما هو لو الانسان بيفكر التفكير ده
وقال انه يدخل اى كلية ويستفيد منها وبعدين يطلع يشتغل صحفي " مهنة لا مهنة له" حتلاقي محدش دخل اعلام
وكنت سمعت كلامي اهلي واستجبت لضغطهم ودخلت كلية تانية
مش بشكر في كليتى وانها كلية من كليات الربوة العالية
ولكن
فعلا بحق
مش قادرة اقولك اد ايه شخصيتى اتطورت واتقدمت كتير - صحيح لسه بدري عليا اوى- بس احنا كنا فين وبقينا فين
لولا كليتى مكنتش نزلت واتمرمطت وتعبت واكتئبت واتعاملت مع ناس وشفت اماكن اول مرة ف حياتي اشوفها واتحطيت ف مشاكل
كل ده عوامل طورت الشخصية للأمام
معاكي يا جاسمين
ها
حنبتدي من انهى نقطة
سلاماتي وقبلاتى واحتراماتي أوي
مش قدرة,سلام عليكم:اولا
شكرا على اتحادك ثانيا انا مكنتش اقصد بموضوع الكلية انى ندمانة انا اقصد انى مقهورة على مجالى زعلانة عليه لان عشان حد يفهمه صح ويديله حقه لازم يتعلم اللى احنا بنتعلمه وطبعا دة بيكون فى اعلام او اقسام الاعلام (ولوان هناك فرق) او حتى دراسات عليا الكلام دة عشان اللى مش خريجى اعلام ميقولوش اننا بنحاربهم او اننا عايزين نخبت الموهوب فيهم وبندعو بشكل اكاديمي ويللا بقى انتلقى وعما قريب ابعتلك الشعار و تنشري الصرخة بقى اوك؟؟...
مش قدرة,سلام عليكم:اولا
شكرا على اتحادك ثانيا انا مكنتش اقصد بموضوع الكلية انى ندمانة انا اقصد انى مقهورة على مجالى زعلانة عليه لان عشان حد يفهمه صح ويديله حقه لازم يتعلم اللى احنا بنتعلمه وطبعا دة بيكون فى اعلام او اقسام الاعلام (ولوان هناك فرق) او حتى دراسات عليا الكلام دة عشان اللى مش خريجى اعلام ميقولوش اننا بنحاربهم او اننا عايزين نخبت الموهوب فيهم وبندعو بشكل اكاديمي ويللا بقى انتلقى وعما قريب ابعتلك الشعار و تنشري الصرخة بقى اوك؟؟...
أولاً الصرخه في وقتها وأنت على حق ولكن إختلافي معك في نقطه .. هناك الكثيرين من خريجي الإعلام ولا يفقهو شيئا وهناك المشتغلين بالصحافه وهم ذوي كفاءه وإحتراف كبير والفيّصل هٌـنا
الموهبه ،الكفاءه , حب المهنه والتفاني فيها ،الدراسه ..
وذلك إن وجدت
فمن توفرت فيه الشروط سينجح وأهلا به في المهنه ولكن ليس كل من لم يجد عمل يقول صحافه ماهي مش ملجأ ..
ورغم إن الدراسه مش شرط والمهم الموهبه وحب العمل إلا إنها فعلا بتغير حاجات كتير اوي وبتعلم حاجات فعلا ممتازه وكفايه اننا لينا فرصه نتدرب من واحنا بندرس لكن الغير دارس ده بيحفى على ما يلاقي حته ترضى بيه الشهاده برضو بتفرق(بلد شهادات )
وده برضو مينفيش إن اللى بندرسه 1% من اللى مفروض ندرسه ونتدرب عليه
يعني أنا رأيي إن شعار حملتك هو الهدف فعلا بغض النظر عن الدراسه هتحترم قلمك اطلق صراحه هتفعّل ضميرك إشجينا ..
هتقرفنا وتبوظ الفكر وتشوهه يبقى شكرا ياعم وبالسلامه ..د
تحياتي لحملتك الهادفه يا جيسي ..
مي نجيب,مرسي جدا على تعليقك
اولااتفق معاكى فى نقطة ان مش كل الخريجين ينفعوا..لكن اختلف معاكى فى اخرى انا مكنش قصدى الشهادة انا كان قصدى ان الاعلام دة مجال شائك وخطير محتاج دراسة او على الاقل تثقيف ذاتى فازاى انا واحد خريج تجارة ومن الدار للنار على الشغل..اللى هيدربه على كيفية الكتابة مش هيدرّبه على كيفية الفكر و الانتقاء الموضوع اكبر من مجرد اداء احنا مش فالحين غير فى اننا نقول سلطة رابعة لكن كام صحفى سال نفسه ليه احنا كدة واللى سأل ياترى مقدر خطورة موقعه؟!!بس وشكراااا
سلام عليكم
البوست بتاعك فكرنى بحادثة الافك لان الصحافة بقت تشهير بالناس و تلويث سمعتهم وعرض فضائحهم على الملأ
كمان دى بقت من علامات الساعة ان الصادق يكذب والكاذب يصدق
بس فى الاخر لازم نصلح و نواجه تيار الفساد
الله المستعان
يمنى المهدى
قررت اكون عانس:
ان شاء الله يا يمنى بس احنا نحاول ونعمل اللى علينا لأن اللى فينا مش هيسأل عن ما افسد هيسأل عن دوره فى محاربة الفاسد...
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my site, it is about the CresceNet, I hope you enjoy. The address is http://www.provedorcrescenet.com . A hug.
تحياتي
الكلمة أمانه...سيسأل عنها قائلها او كاتبها او حتي من يرددها.
الم يقسم الله بالقلم فقال عز من قائل
" ن و القلم و ما يسطرون " الآية رقم 1 من سورة القلم صفحة 564 بالمصحف الشريف.
وقال سبحانه و تعالي في سورة ابراهيم
"( ألم تر كيف ضرب الله مثلا كلمة طيبة كشجرة طيبة أصلها ثابت وفرعها في السماء تؤتي أكلها كل حين بإذن ربها ويضرب الله الأمثال للناس لعلهم يتذكرون ) .
الن يكب الناس في النار من حصائد السنتهم...
ثبت الله علي الحق خطاك و أيدك بروح منه
و لك مني خالص التقدير و دمتي بألف خير.
ربان:
شكرا ليك جدا جزاء الله خيرا وبجد ارجو الدعاء لأن الحياة والايام ساعات بتنسي حاجات كتير اوىىىىىىىىى
Post a Comment