كنت اود ان اطل عليكم بموضوع جديد من خلال تلك التدوينة ولكن للاسف انا انهاردة مش بكتب عشان ارغي انا بكتب
عشان اعتذر ...عن ايه؟ لا انا مؤدبة والله مشتمش حد ولا حاجة...انا بس بعتذرلكم عن الكتابة اليومين دول(ال يعنى الجماهير مقطعة بعضها)يعنى اصلى عندى بعيد عن السامعين وعقبال عند الدحاحين امتحانات ميد تيرم (منتصف الفصل الدراسي الثانى )واخخخخخخخخر حوسة اصلى من بتوع المذاكرة بعد نزول الجداول امال يعنى اذاكر ازاى قبل ما اعرف جدولى ؟؟اعمل جدول ازاى انا؟ برضه النظام حلو المهم عشان مطولش عليكوا بعد الامتحانات بقى هغرقكوا بس اتوصوا بيا شوية فى التعليقات بلاش نظام كر وفر اقرا واجرى على المدونة اللى بعدى دة.. انا بعرف من الكاونتر فى خونة بيقرأوا ومش بيعلقوا اكسبرس يور سيلف برضه ....انا عندى مواضيع لذيذة اوى كنت ناوية اكتبها بس معلش بقى الامتحانات علينا حق .....المهم بس انتوا ادعولى اعدى من القرف دة عشان احسن تقديري شوية اتشحورت التيرم الاول
وانتظرونيييييييييييييييي
8 comments:
اوك لتس ويت اند سى ما احنا برضه فى الهوا سوا
بطوط حبوب:
اها انتوا برضه ربنا معاكووووو
سلام عليكم
اوعى تقولى انك فى كلية هندسة جامعة المنصورة
على العموم ربنا يكون فى عونك و عونا
لاناا ورانا امتحانات
و ربنا يستر
adem el mahdy:
لا انا فى كلية اعلام جامعة القاهرة هو مفيش غيركم اللى عندوا ميد تيرم ولا ايه؟ ههههه
وانا فاضللى مادتين واخلص.......ربنا يسهل - ويعدوا بدون اصابات..
...دحوااااااا يرحمكم الله
’Muhammad Abouhashm.
هههههههههههه ربنا معاك ومع جميع الدحاحين (الشر برة وبعيد) عموما انا خلاص فاضللى مادة يوم الحد الجاى يعنى هيصة واجازة يجي يومين وشوية كدة عقبالك
بالتوفيق ياجيس ان شاء الله ........بس اوعى تعملى زيييى....فى مواد بفتحها لاول مرة ليلة الامتحاااااااان!!!!ه
’Muhammad Abouhashm.
موفقة
Post a Comment